Amok

Description

Amok. Eng Lëtzebuerger Liebeschronik, dem Tullio Forgiarini säin éischte Roman op Lëtzebuergesch, setzt sech mat der gesellschaftlecher Isolatioun an dem domatt verbonnene Manktem u Perspektive vun engem jonge Mënsch auserneen, déi riichtewech an d’Katastroph féieren – wann och an eng ganz aner Katastroph wéi déi, déi am Buchtitel ugedeit ass. Déi psychologesch iwwerzeegend Duerstellung vum Protagonist an sengem Ëmfeld, déi sech och an der – dacks graffer – Sprooch erëmspigelt, maachen Amok zu engem Lieserliefnës, dat verstéiert a gläichzäiteg erféieren deet, an dësen turbulenten Zäiten awer – onglécklecherweis – och héichaktuell ass.